تعبت انا أنثر هم قلبي على الناس ..
..... و تعبت ادور للحقيقة ......حقيقه !
يلعن ابوه ..شعور .... لابوه إحساس ..
..... لاجيت أسوي من جراحي حديقه !!
شف لي طريقة لا غدى دربنا.. ياس ..!
..... تعبت انا ترديد ..( شف لي طريقه )!!
ما عاد ياسع للحزن أي ....... كرّاس .!
....... و ماعاد قلبي يحتمل ... أي ضيقه!
شفني رشفت من الغرابيل كم كاس !
..... و الصبر مابلّت أمانيه ...... ريقه !!
أكبر مصيبة طيحة إنسان .. حسّاس !
..... تسوى بعيني .. موت كل الخليقه !!
أكذب على نفسى إذا قلت " لاباس " !
..... و" الباس "أصلا ًمن زهوري رحيقه !
ياما تعبت أشحذ من عيوني .. انعاس !
..... مامر ( ........ ) .. عيني .. دقيقه !
صعبه تشوف بعينك الحلم ينداس ..!
..... كنّك اتطفي.. من دموعك حريقه !
الموت ماهو لا انحنى .. للتعب راس !
..... الموت نفسك ... لا انحنت للخليقه !
كل الدروب أشوفها / ياس في ياس !
..... سايق عليك الله ( شف لي طريقة ) !